Njoftim për Media

Në anën tjetër delegacioni nga Kosova gjithashtu ka shpreh gatishmërinë për rritjen e bashkëpunimit në mes dy institucioneve duke e bërë kështu më të përafërt përvojën e shkëmbimit në përmirësimin e gjendjes së përgjithshme të punëdhënësve dhe punonjësve në punë, duke ushtruar mbikëqyrjen e zbatimit të ligjeve me qëllim të mbrojtjes së të drejtave në punë, ku i gjithë ky shkëmbim do të ndikonte në përmirësimin e gjendjes për një mirëqenie më të mirë për qytetarët e Republikës së Kosovës.

Gjatë kësaj vizite, interes të veçantë pati edhe takimi me Inspektoratin Shtetëror të Punës së Maqedonisë ku u njoftuan rreth gjendjes dhe sfidave me të cilat përballen në ushtrimin e mbikëqyrjes në punë, raportet Ministri-Inspektorat, ndihma dhe përkrahja që i ofrohet nga Ministria, e shumë sfida tjera që ndërlidhen me Inspektoratin e Punës.
Ndërkaq delegacioni i Kosovës, gjegjësisht Kryeinspektori z. Gashi ka kërkuar nga ISHP-ja e Maqedonisë mbështetje në harmonizimin e legjislacionit, në ushtrimin e mbikëqyrjes së zbatimit të ligjeve të aplikueshme nga lëmit e sigurisë në punë, mbrojtjes së shëndetit të të punësuarve dhe ambientit të punës.
Ndër tjerash z. Gashi ka njoftuar delegacionin maqedonas edhe për organizimin, funksionimin, të arriturat, problemet dhe vështirësitë që hasin dhe me të cilat përballet Trupa Ekzekutive e Inspektoratit të Punës në Kosovë, duke shikuar kështu mundësinë për një përmirësim të dukshëm të gjendjes në Kosovë.