NJOFTIM

Të interesuarit për aplikim, kërkesës duhet bashkëngjitur edhe këto dokumente:

• Formularin në formë të kërkesës, i cili jepet nga organi kompetent;
• Kontratën e punës të nënshkruar midis palëve;
• Dëshminë profesionale, diploma e kualifikime të tjera, që tregojnë aftësitë profesionale apo specializimin, në përshtatje me kontratën dhe vendin e punës;
• Certifikatën e regjistrimit të biznesit me përshkrim nga institucioni përkatës;
• Përshkrimin e shkurtër të vazhdimit të veprimtarisë apo biznesit;
• Lejen e qëndrimit, në Republikën e Kosovës, apo vërtetimin e vizës së vlefshme zyrtare;
• Dëshminë që nuk është i ndjekur penalisht, lëshuar nga autoritetet kompetente në vendin e origjinës (ky dokument mund të merret edhe nga institucionet e autorizuara nga shteti i Kosovës, kur shtetasi i huaj banon ligjërisht në Kosovë);
• Raportin mjekësor, i marrë në vendin e origjinës apo të banimit të fundit, kur i huaji nuk ndodhet në territorin e Republikës së Kosovës (ky raport mund të merret edhe nga institucionet shëndetësore të autorizuara nga Republika e Kosovës, kur shtetasi i huaji banon ligjërisht në Kosovë);
• Vërtetimin nga Zyra e Punësimit, përmes të cilit vërtetohet se në mesin e punëkërkuesve të Republikës së Kosovës nuk ka të atillë të cilët i plotësojnë kushtet e punësimit ku do të punojë shtetasi i huaj.

Kërkesa dhe dokumentet për dhënien e lejes për punë dhe punësimin e shtetasve të huaj në Republikën e Kosovës, duhet të jenë në pajtim me Ligjin Nr. 03/L-136 për Dhënien e Lejeve për Punë dhe Punësimin e Shtetasve të Huaj në Republikën e Kosovës dhe Udhëzimin Administrativ, Nr. 17/2009, për Rregullimin e Proceduarave Administrative për Dhënien e Lejes për Punë dhe Punësimin e Shtetasve të Huaj, të cilat aplikuesit mund t’i gjejnë të publikuara në ueb-faqen e Ministrisë së Punës dhe Mirëqenien Sociale; www.mpms@ks-gov.net