Ministri Rashiq takoi drejtoreshën e organizatës joqeveritare “Komunitetit i Fondit Zhvillimor”, znj. Ariana Qosaj-Mustafa

Në fokus të takimit gjithashtu ishte përgatitja sa më e shpejtë e një memorandumi nga të dy palët për zhvillim të projekteve në sfera të ndryshme që kanë të bëjnë me Ministrinë e Punës dhe mirëqenies Sociale.
Ministri Rashiq ndër të tjera, një rëndësi të veçantë i dha projekteve në sferën e punësimit, politikave sociale, ndërtimin dhe ngritjen e kapaciteteve për Institutin për Politikë Sociale, sidomos tek identifikimi i nevojave dhe trajnimet në sferën e shërbimeve sociale, kur dihet se tani është bërë decentralizimi i shërbimeve sociale nëpër komuna dhe mundësinë e realizimit të pilot-projekteve të ndryshme.
“Jam shumë i kënaqur për ndihmën që po na ofroni në sferën e decentralizmit, sepse deri tani në këtë sferë nuk kemi pasur ndonjë donacion të veçantë dhe mbetemi vetëm të fillojmë me një bashkëpunim të ndërsjellët në përgatitjen e këtyre projekteve që janë në të mirë të gjithë qytetarëve të Kosovës”, tha Ministri Rashiq.
Sigurisht projekte të ndryshme në problematikat, siç është dhuna në familje, delikuenca e të miturve, lëmosha në rrugë e shumë probleme tjera që sot na rrethojnë mbeten si alternativa të mundshme në realizimin e projekteve në vazhdimësi.