Ministri Rashiq priti ekspertin e Bankës Botërore për Projektligjin e punës z. Jacob Gammelgaard

Ministri më tej ka pohuar se të gjitha rekomandimet e dhëna nga Banka Botërore dhe nga të gjithë partneret tjerë relevant që kanë të bëjnë me Projektligjin e punës janë analizuar dhe inkorporuar në, sidomos duke i rishikuar ato nene që në vete përmbajnë implikime të larta buxhetore.
“Ne, konkretisht Departamenti Ligjor është duke përgatitur ligjin me komente që na keni dërguar, pres të bashkëpunojmë me ju në këtë periudhë dy javore, në mënyrë që ky projektligj të mos kthehet më”, tha ndër tjera z. Rashiq.

“ Ndonëse është një ligj shumë i rëndësishëm për ne, me interes dhe përkushtim të veçantë do i shikojmë dhe analizojmë rekomandimet e të gjithë partnerëve social, organizatave të punëdhënësve dhe punëmarrësve në mënyrë që ligji të jetë sa më i përafërt me legjislacionin në rajon”, është shprehur drejtori i Departamentit Ligjor në MPMS, z. Fadil RAcaj.

Në fund z. Rashiq dhe të gjithë të pranishmit u zotuan se do të angazhohen në një punë intensive dhe të vazhdueshme gjatë kësaj periudhe dyjavore duke aluduar në përfundimin e procesit të hartimit dhe draftimit të Projektligjit të punës drejt miratimit përfundimtar në Qeverinë e Republikës së Kosovës.