Ndrrimi i gjuhes ne AnglishtNdrrimi i gjuhes ne AnglishtNdrrimi i gjuhes ne Serbisht
Logo

Simbolet Shteterore
Lajmet / Mbahet Konferenca “ Politikat Sociale në Kosovë-Pritjet, rezultate dhe ngecjet”, në patronatin e MPM

Mbahet Konferenca “ Politikat Sociale në Kosovë-Pritjet, rezultate dhe ngecjet”, në patronatin e MPMS-së

6/15/2009

Në organizimin dhe patronatin e Ministrisë së Punës dhe Mirëqenies Sociale, dhe në bashkëpunim me përkrahjen e Fondacionit “ Friederich Ebert Stiftung” dhe me shoqatën Humanitare Bamirëse në Kosovë “ Nëna Terezë”, organizuan konferencën “Politikat Sociale në Kosovë-pritjet dhe ngecjet”, që u mbajt në sallën e konferencave të Hotelit “ Grand”.Analiza e gjendjes aktuale sociale, politika e edukimit social, sfidat në realizimin e politikave adekuate sociale, si dhe hapat e ndërrmarra në kapërcimin e këtyre vështirësive, e në veçanti mekanizmat që ndikojnë në funksionimin praktik të dialogut social, ishin këto sfida të ndryshme që me interes të veçantë u diskutuan gjatë kësaj Konference.

Ministri i Ministrisë së Punës dhe Mirëqenies Sociale z. Nenad Rashiq pas një falenderimi që i bëri të pranishmëve, vëmendje të veçantë i dha përpjekjes së ndërtimit të një sistemi të mbrojtjes sociale që do ti ndihmonte ato familje që kanë një gjendje të rëndë ekonomiko-sociale, duke aluduar edhe tek ato famijle që janë të margjinalizuara nga shoqëria.

“ Sistemi aktual i mbrojtjes sociale në Kosovë vazhdon të jetë modest, është një rrjet veprimi, i cili rrjet shtrihet nëpër qendrat për punë sociale në secilën komunë, ku japin ndihmën sociale dhe këshillime për individët dhe famljet në gjendje të nevojës sociale”, tha z. Rashiq.

 
Ndërsa në anën tjetër Besa Luzha, nga Friedrich Ebert Stiftung, njoftoj për përpjekjet nga fillimi të këtij fondacioni që ka dhënë ndihmë të vazhdueshme në sferat e politikave sociale, në sferat e shërbimeve sociale dhe familjare , me një rëndësi të madhe në politikat e punësimit, kur dihet se në Kosovë kjo është një ndër sfidat që kërkon strategji dhe punë të vzhdueshme nga të gjitha institucionet vendore dhe ndërkombëtare që veprojnë në Kosovë.

“Ky fondacion promovon vlerat sociale të demokracisë, këto politika janë në fokus kryesor të punës të edukimit politikë dhe këtë e kemi prekur në disa rrafshe, qoftë edhe duke punuar me partitë politike për t’iu njoftuar apo shkëmbyer përvojat e ndryshme të trajtimit të politikave sociale”, tha znj. Luzha

Më tej Këshilltari për Politika Sociale në MPMS z. Behxhet Gaxhiqi, njoftoj konferencën për një kronologji të përgjithshme të aspekteve dhe çëshjteve sociale në Kosovë, duke u bazuar nga ligji i vjetër për mbrojtjen sociale që nga viti 1976 e këndej, duke përmendur kështu të arriturat që janë bërë dhe sfidat që na presin në të ardhmen.
Ndërkaq Shpend Ahmeti nga Instituti – GAP, citoi se jemi në pritje të një krize globale –ekonomike, me efekte reale edhe në shërbime sociale dhe familjare, duke dhënë kështu me shifra gjendjen e rëndë të varfërisë në Kosovë
“Diaspora-ekonomike mund të them se ka efekte reale në zbutjen e varfërisë, duke shtuar kështu mundësinë e ndihmës së shërbimeve sociale dhe famijlare, por do të theksoj se shifrat që janë dhënë nga Banka Botërore janë, 42 % të popullësisë jetojnë në varfëri, ndërsa 15 % jetojnë në varfëri të skajshme, kjo nënkupton se edhe Kosova do të atakohet nga një periudhë e vështirë Globale-Ekonomike”
Në këtë konferencë të pranishëm ishin edhe Kryetari i komisionit për Punë dhe Mirëqenie Sociale në Parlamentin e Kosovës, z. Sadik Idrizi, përfaqësuesi i BSPK-së Haxhi Arifi, Kushtrim Shaipi, ish koordinator i Programit të këshillit të Evropës për Institucionet Sociale, përfaqësues të Bankës Botërore, të ILO-së dhe Institucioneve tjera ndërkombëtare që punojnë dhe veprojnë në Kosovë.
RSS

Newsletter subscription