Departamenti i Mirëqenies Sociale 

Fushëveprimtaria e Departamentit të Mirëqenies Sociale DMS-ja udhëhiqet nga drejtori, i cili në të njëjtën kohë është anëtar i ekipit të lartë menaxhues të MPMS-së dhe është përgjegjës për:  • Zhvillimin dhe promovimin e politikave sociale për Kosovë, sikundër edhe implementimin e legjislacionit relevant;  • Planifikimin strategjik për të gjitha njësitë gjegjëse brenda DMS-së, duzke përfshirë edhe drejtimin e QPS-ve, institucioneve për strehim të përkohshëm dhe 24 orësh etj;  • Menaxhimin e buxhetit të DMS-së si dhe shfrytëzimin e tij në zhvillimin e infrastrukturës së institucioneve, të cilat janë nën përgjegjësi të DMS-së;  • Implementimin, zhvillimin dhe administrimin e fondeve të ndryshme nga donatorët, aktualisht programin e Bankës Botërore, DFID-it, UNICEF-it etj.;  • Në kuadër të Bankës Botërore dhe DFID-it menaxhimi i implementimit të projektit STAKES-it dhe Grupit Konsultativ të Helsinkit (program afatgjatë);  • Në kuadër të programit të UNICEF-it menaxhimi i implementimit të donacionit për krijimin e bazës së re të të dhënave për shërbimet sociale, gjegjësisht për QPS-të;  • Ofron udhëzime dhe këshilla për ekipet e ndryshme multidisiplinare;  • Luan rol kyç, ose udhëheqës, në dialogun për politika sociale me partnerët qeveritarë, OJQ si dhe me agjenci të tjera kur kërkohet;  • I ofron këshilla politike Kabinetit të Ministrit dhe Qeverisë së Kosovës kur kjo gjë i kërkohet;  • Inkurajon zhvillimin e iniciativave dhe aktiviteteve të bashkësisë që kanë të bëjnë me çështje sociale;  • Është përgjegjës për publikimin e analizave dhe studimeve që krijohen nga DMS-ja si politika sociale dhe shërbime sociale;  • Krijon raporte të mira si dhe koordinon me kompetencë bashkëpunimin me departamentet tjera brenda MPMS-së, lidhur me çështjet që[ kanë relacion me mirëqenien sociale;  • Këshillon nga afër me pjesëmarrësit relevantë dhe propozon procedura për rritjen e efikasitetit të departamentit dhe të njësive brenda DMS-së.