Mirë se vini në Portalin e Komisionit Rregullativ të Prokurimit Publik të Kosovës

Të nderuar vizitor,

      Mirë se vini në faqen zyrtare të internetit  të Prokurimit Publik të Kosovës e cila është e krijuar si Portal i Prokurimit Publik në të cilën do të gjinden të gjitha informacionet relevante që kanë të bëjnë me fushën e prokurimit publik në Kosovë.  KRPP sipas Ligjit për Prokurim Publik të Kosovës Nr.2003/17, të amandamentuar më 06 Qershor 2007, është  përgjegjëse për zhvillimin, funksionimin dhe mbikqyrjen e përgjithshme të sistemit të prokurimit publik në Kosovë, dhe i ushtron funksionet që i ipen nga ky ligj.
    Njëra ndër funksionet që i janë dhënë KRPP-së me ligj është që të krijojë dhe mirëmbajë faqen informative në internet që i ofron publikut qasje të pakufizuar për të gjitha informacionet që kanë të bëjnë me prokurimin publik në Kosovë.
     Komisioni Rregullativ i Prokurimit Publik në bashkëpunim me AER-in, përmes projektit me  Numrin referues: EuropeAid/120760/D/SV/KKOS të financuar nga AER-i mbi asistencën teknike për Reformimin e Sistemit të Prokurimit Publik në Kosovë, ka krijuar këtë faqe zyrtare për prokurimin publik në Kosovë, e cila mundëson ngritjen e mëtutjeshme të transparencës në prokurimin publik, si dhe qasjen më të lehtë në të gjitha informatat që kanë të bëjnë me prokurimin publik në Kosovë. 
     Kjo faqe e prokurimit publik është faqe dinamike interaktive, e cila do të azhurohet me informacione të përditshme, dhe do të ofron të gjitha të dhënat mbi prokurimin publik të Kosovës.
    Ky portal do të avanson komunikimin në mes të autoriteteve kontraktuese dhe operatorëve ekonomik, si dhe të gjitha palëve tjera që shprehin interesim për të pasur qasje në këtë faqe.
     Funksionalizimi i kësaj faqeje do tu mundesojë të gjithë shfrytëzuesve  që të kenë qasje të drejtëpërdrejtë edhe në portalet tjera të prokurimit publik.
     Duke ju dëshiruar informata të këndëshme nëpërmes  faqes zyrtare të prokurimit publik të Kosovës, me padurim presim komentet nga ana e juaj, që do të jenë shumë të mirseardhura për avansimin e mëtutjeshëm të kësaj faqeje.

 Përshëndetje të sinqerta,